الثلاثاء 19 جمادى الأولى 1444 هـ - الثلاثاء 13 ديسمبر 2022 م 06:58:16 AM
قال دكتور باسم خليفة رئيس وحدة السمنة والنحافة بالمعهد القومي للجهاز الحركي العصبي إن الضغط النفسي والعصبي من أهم الأسباب اللى بتأدى للشعور بالإرهاق حتى بعد ما نصحى من النوم، جاء ذلك خلال مداخلة هاتفية لبرنامج خلاص صحينا مع مارينا المصري على ميجا اف ام .
وأضاف الضغط العصبي والنفسي أيضا بيسببب تقلصات فى عضلات الكتف والرقبة وده عامل من عوامل الاحساس بالتعب عند الاستيقاظ، وعشان الضغط النفسي يقل، لازم الشخص يدرب نفسه، على انه حساسيته للمواقف تكون مش قوية.
وتابع عشان نستفيد من النوم لازم نمر بـ 3 مراحل، ولو الشخص موصلش لمرحلة النوم العميق بيحس بالأرهاق اول ما يصحى.
واختتم قائلا:: نقص الفيتامينات والمعادن بيسبب عدم كفاءة للعمليات الحيوية فى الجسم، وبالتالى ده من عوامل الإرهاق عند الاستيقاظ، والأنيميا أيضا من ضمن الأسباب اللى بتأدى للشعور بالإرهاق لما نصحى من النوم بسبب عدم توصيل الأكسجين فى الدم بكفاءة.
