بعض المرضى وأقاربهم عندهم احساس راسخ ان الطبيب ليس من البشر يأكل ويشرب وينام وهكذا, الطبيب ليس له حياة خاصة ولا خصوصيات ولا احتياجات، فمثلا موضوع مرتبات الاطباء والكادر وغيرها لا يثير اهتمام احد لأنهم ببساطه يعتقدون ان جمهور الاطباء كلهم لهم عيادات في وسط البلد وكشفهم ب400 جنيه
اذكر مرة منذ عدة سنوات طرح موضوع زيادة رواتب الاطباء بمجلس الشعب قام واحد من النواب المحترمين وقال ازاي بيتكلموا عن زيادة المرتبات وانا كاشف عند دكتور من اسبوع ب450 جنيه وقرر لي عمليه بمبلغ كبير ووو..... وحينها فشل مشروع القرار الخلاصه ان الطبيب يأكل ويشرب بالتمثيل الضوئي (نص ساعة في الشمس الصبح تكفي) الطبيب لا ينام بل يشحن الصبح ويفرغ الشحنة بالليل الطبيب متوافر 24 ساعة 7 ايام بالاسبوع فمسموح لأي احد ان يطلبه في اي وقت وليس له الحق في الاعتراض الاسبوع الماضي فقط - واحد قابلني وقاللي الحاجه كانت تعبانه قوي يوم الخميس قلت وبعدين عملتوا ايه نظر لي بنظرة تهكم واستغراب اصل طلبتك في التليفون قالو نايم...هه قلت : هو عيب ولا ايه ولا انا المفروض اقعد مستنيك صاحي يمكن تفكر تطلب في اي وقت؟؟؟؟ وزميل لي طلبوه في كشف منزلي وقعدوا يلحوا عليه بشده ولما راح وجد العنوان في ادغال الادغال وبمنطقة صعبه جدا كشف على المريض لاقاه ميت وشبعان موت قالهم بس ده متوفي من فتره قالوا ايوه عارفين بس الحاجه كانت عايزه دكتور يقولها انه ميت وطبعا ماخدش اي فلوس بعد المشوار العلقه ده وقالوا هو انت عملتله حاجه انت جيت لقيته ميت ... هو انت عايز فلوس كمان .....يعني يبقى موت وخراب ديار.